Pacijentët përfundojnë në spital pas botoksit, dyshohet për preparat të falsifikuar

 

Disa paciente janë trajtuar dhe shtruar në Qendrën Klinike të Malit të Zi (KCCG) pas aplikimit të toksinës botulinike. Nga ky institucion shëndetësor kanë bërë të ditur se ekziston dyshimi i bazuar se është përdorur preparat i pasigurt dhe i falsifikuar.

“Pas pranimit të pacienteve, të cilat u trajtuan dhe u shtruan në Qendrën Klinike të Malit të Zi për shkak të aplikimit të toksinës botulinike, është konstatuar dyshimi i bazuar për preparat të pasigurt dhe të falsifikuar, i deklaruar si Dysport”, njoftoi KCCG.

Nga Qendra Klinike u kanë bërë thirrje qytetarëve të jenë veçanërisht të kujdesshëm gjatë përzgjedhjes së ofruesve të shërbimeve kozmetike apo shërbimeve të ngjashme.

KCCG rekomandon që këto shërbime të kryhen vetëm te subjektet e regjistruara dhe që operojnë ligjërisht, duke i kushtuar vëmendje të veçantë origjinës dhe vlefshmërisë së preparateve që përdoren.

Rasti është raportuar në Ministrinë e Shëndetësisë, Drejtorinë e Policisë, Institutin për Ilaçe dhe Pajisje Mjekësore të Malit të Zi, si dhe te Inspektorati Shëndetësor dhe Sanitar.