Qeveria e Malit të Zi ka miratuar informacionin për nevojën e ndërprerjes së marrëveshjeve që rregullojnë regjimin pa viza me Rusinë, Bjellorusinë dhe Turqinë, në kuadër të procesit të harmonizimit të politikës së vizave me atë të Bashkimit Evropian.
Sipas rregullores së miratuar më 23 korrik 2026, nga 1 nëntori 2026 shtetasit e këtyre tri vendeve do të kenë nevojë për vizë për hyrje, kalim tranzit dhe qëndrim në Mal të Zi.
Qeveria ka konstatuar gjithashtu nevojën për nisjen e procedurës për një marrëveshje të re me Turqinë, e cila do të rregullonte regjimin pa viza për mbajtësit e pasaportave diplomatike, zyrtare dhe speciale.
Ky ndryshim është pjesë e detyrimit të Malit të Zi për të harmonizuar plotësisht politikën e tij të vizave me atë të Bashkimit Evropian, si pjesë e procesit të integrimit evropian.
Aktualisht, shtetasit e Rusisë dhe Bjellorusisë mund të hyjnë dhe të qëndrojnë në Mal të Zi pa vizë deri më 31 tetor 2026, në bazë të marrëveshjeve ekzistuese.
Post a Comment
0Comments