Mot kryesisht me diell, temperaturat deri në 26 gradë

 

Në pjesën jugore dhe qendrore të Malit të Zi sot pritet të mbizotërojë mot me diell, ndërsa në veri do të ketë vranësira të ndryshueshme, por edhe intervale me diell. Moti në veri do të jetë kryesisht i thatë, njoftoi Instituti për Hidrometeorologji dhe Sizmologji.

Era do të jetë e dobët deri mesatare, kryesisht gjatë orëve të mëngjesit. Në jug, në disa zona, era do të jetë mesatare deri e fortë dhe do të fryjë kryesisht nga veriu dhe verilindja.

Temperatura minimale e ajrit do të lëvizë nga 2 deri në 18 gradë, ndërsa maksimalja ditore pritet të arrijë nga 10 deri në 26 gradë Celsius.