Mot kryesisht me diell, temperaturat deri në 28 gradë në Mal të Zi

 

Sot në jug dhe në pjesën qendrore të Malit të Zi do të mbizotërojë mot kryesisht me diell, sipas parashikimit të Institutit të Hidrometeorologjisë dhe Sizmologjisë.

Në veri, gjatë orëve të mëngjesit nëpër lugina do të ketë mjegull, ndërsa gjatë ditës priten vranësira të pakta deri mesatare, me periudha të gjata me diell.

Era do të fryjë e dobët deri mesatare, nga drejtimi i veriut dhe verilindjes. Gjatë mëngjesit dhe natës, në disa zona të jugut era mund të jetë edhe e përforcuar.

Temperatura e mëngjesit do të lëvizë nga 2 deri në 19 gradë Celsius, ndërsa temperatura maksimale gjatë ditës pritet të arrijë nga 14 deri në 28 gradë.