Bie bora e parë në Kopaoniku

 

Bora ka mbuluar Kopaonikun dhe Golijën, ndërsa reshjet e para të sezonit kanë sjellë një shtresë të hollë të bardhë edhe në zonën e Ivanjicës.

Në Kopaonik reshjet nisën gjatë ditës së djeshme dhe vazhduan për disa orë, madje edhe gjatë natës. Temperaturat kanë qëndruar pranë zeros, ndërsa sot në orën 07:00 është matur 1 gradë Celsius dhe reshjet e borës kanë pushuar.

Pamjet nga kamerat e Kopaonikut tregojnë se bora e rënë gjatë ditës dhe natës ka mbetur në terren. Në disa momente reshjet kanë qenë më intensive, me flokë bore më të mëdha, ndërsa temperaturat kanë shënuar një rënie të ndjeshme prej më shumë se 10 gradësh, duke sjellë mot dukshëm më të ftohtë.

Ndërkohë, parashikimet për ditët në vijim sinjalizojnë mundësi për një tjetër episod të reshjeve të borës. Priten disa dhjetëra centimetra borë në Kopaonik.

Disa modele meteorologjike parashikojnë se sasia e borës së re mund të arrijë deri në 50 centimetra, megjithëse kjo varet nga zhvillimi i kushteve atmosferike në ditët e ardhshme.