VIDEO: Përmbytjet të rënda mbi 80 vjet kjo ska ndodhur, katër të vdekur dhe dëme të mëdha

 

Përmbytjet shkatërruese në Stamboll janë më të rëndat në më shumë se 80 vjet, deklaroi të premten ministri i Brendshëm i Turqisë, Mustafa Çiftçi. Numri i viktimave ka arritur në katër, ndërsa katër persona të tjerë rezultojnë të zhdukur.

Ministri bëri të ditur se dhjetëra mijëra pjesëtarë të shërbimeve emergjente janë angazhuar në terren për t’u ardhur në ndihmë qytetarëve të prekur nga katastrofa.

Më shumë shi se mesatarja për dy muaj

Stambolli, qyteti më i madh i Turqisë me rreth 16 milionë banorë, u përball me reshje jashtëzakonisht të dendura. Sipas agjencisë shtetërore të lajmeve Anadolu, gjatë 48 orëve deri të enjten në mëngjes, në qytet ra më shumë shi sesa mesatarja e reshjeve për muajt shtator dhe tetor së bashku.

“Po përpiqemi të bëjmë gjithçka që mundemi për t’i ndihmuar qytetarët, por njëkohësisht po përballemi me katastrofën më të madhe të përmbytjeve që nga viti 1942”, deklaroi ministri Çiftçi gjatë vizitës në një nga zonat më të goditura.

Autoritetet po vijojnë operacionet e kërkim-shpëtimit dhe ndihmën për banorët, ndërsa përmasat e dëmeve nga përmbytjet mbeten të mëdha.