Dy drejtues automjetesh janë lënduar në një aksident trafiku që ka ndodhur të premten në mëngjes në autostradën A4 në Kroaci, mes nyjeve Sveta Helena dhe Komin.
Sipas policisë, njoftimi për aksidentin është marrë në orën 08:50, ndërsa këqyrja e vendit të ngjarjes është në zhvillim.
Një lexues i portalit kroat 24sata, i cili po hynte në autostradë pranë Sveta Helenës, ka treguar se ka parë automjetet e shërbimeve emergjente dhe sinjalistikën paralajmëruese.
“U përplasën dy makina dhe kishte pjesë të shpërndara gjithandej”, ka deklaruar ai për median kroate.
Qarkullimi zhvillohet në një korsi
Klubi Automobilistik i Kroacisë (HAK) ka njoftuar se, për shkak të aksidentit, qarkullimi zhvillohet vetëm në një korsi, me kufizim të shpejtësisë në 40 kilometra në orë.
Drejtuesit e automjeteve këshillohen të tregojnë kujdes të shtuar dhe të respektojnë sinjalistikën deri në përfundimin e ndërhyrjes dhe të këqyrjes së vendit të aksidentit.
Post a Comment
0Comments